கருகும் மொட்டுகள்

உலகின் ஒளியே

ஞாயிறே

உனைக் காணாத விழிகளும்

இப்புவியில் உண்டோ ?

உன் வருகைக்கு முன்

அவர்கள் வருகை

பதிவானால் மட்டுமே

உண்ண உணவு...

சிறார் தொழிலாளர் ஒழிப்பு

நூலின் தலைப்பு

நுலை கையிலேந்தி

விலை கூவுகிறான்

10 வயது சிறுவன் . . .

சந்திரன் வருகை

அவர்களுக்கு ஆனந்தம்

நிலாச்சோறுக்கு அல்ல

இல்லம்தனில் தடம் பதிப்பதற்கு..

புத்தக சுமை

தூக்கி சுகம் காண

ஏங்கும் தோள்கள்..

எத்தனை எத்தனை? ? ?

எத்தனை கனவுகள் ?

அத்தனையும் காற்றோடு போக

அக்னிக்குஞ்சுகள்

அக்னி குண்டங்களில்

எழுதுகோல் பற்ற வேண்டிய பிஞ்சு விரல்கள்
கந்தகச் சாலையில்...

பிஞ்சு நெஞ்சங்களின

குமுறல்கள் - உங்கள்

நெஞ்சங்களை எட்டவில்லையா ?

1000 1000 சிறார்களின்

கதறல்கள் உங்கள்

செவிகளை பிளக்கவில்லையா ?

நாட்டின் செல்வங்களை

முத்துக்களை

காத்திட விரைந்திடுவீர் இன்றே...